Baixa o paro no sur da provincia, pero…

O aumento da temporalidade nos contratos a menores de 25 anos ensombrece os datos do paro no sur da provincia, onde a única comarca que aumentou o número de parados foi Chantada, segundo apuntan desde CCOO

CCOO / Traballando

O mes de xullo cumpliu coa súa tendencia habitual e reduciuse o número de parados no sur da provincia de Lugo en 88 persoas. En base aos datos da Secretaría de Acción Sindical de CCOO a comarca de Lemos conta con 1.638 parados, a de Quiroga con 273 e con 607 a de Chantada (única comarca que incrementa o número de parados con 4). Por concellos as cifras son:

Bóveda 51

Monforte de Lemos 1.141

O Saviñao 179

Sober 91

A Pobra do Brollón 71

Pantón 105

Quiroga 184

Folgoso do Courel 33

Ribas de Sil 56

Chantada 415

Carballedo 79

Taboada 113

Redúcese o paro, pero aumenta a temporalidade. Segundo CCOO o 70% dos contratos a mozos menores de 25 anos son temporais. De todos os contratos feitos en xullo somentes o 6% son indefinidos. O sindicato tamén centra a atención no colectivo de  maiores de 52 anos, que considera está condenado á exclusión social ao non poder cobrar o subsidio de 426€. por non ter cargas familiares.

Denuncias por estafa e prácticas antisindicais

A Secretaría de Acción Sindical denunciou a Gescor, concesionaria dos comedores dos institutos de Monforte por confeccionar máis dunha decena de nóminas estafándolles aos traballadores o 50% do salario de xuño. CCOO denunciou tamén a unha empresa do sector mineiro por despedir a un traballador que se negou a realizar horas extras. Lembran desde o sindicato que  o estatuto mineiro prohibe realizar horas extras, por eso esperan que haxa unha setencia exemplar contra este tipo de prácticas que califican de antisindicais.

DEIXAR UN COMENTARIO

Please enter your comment!
Please enter your name here