25 de setembro, data oficial para o inicio da vendima na Ribeira Sacra

O pleno do Consello Regulador fixa o 25 de setembro como data recomendada para o inicio xeneralizado da vendima na Denominación de Orixe, previsiblemente a vendima prolongarase ata mediados de outubro.

Vendima na Ribeira Sacra / C.R.D.O.R.S.

A previsión do Consello Regulador da Denominación de Orixe Ribeira Sacra é que este ano a colleita se aproxime aos 6 millóns de quilos e que a calidade sexa excelente.

Ata o momento lévanse recollido 19.953 quilos dos que 8.056 corresponden á variedade Mencía, 1.144 quilos de Merenzao, 6.261 quilos de Albariño, 360 de Dona Branca e 4.122 de Godello.

Nesta campaña está previsto que elaboren viño baixo o amparo da Denominación de Orixe 95 adegas, das que 8 están vendimando na actualidade.

DEIXAR UN COMENTARIO

Please enter your comment!
Please enter your name here