Convocatoria de emprego para o verán do Consorcio de Turismo da Ribeira Sacra

O prazo de presentación de solicitudes está aberto ata o día 6 de xuño

Canóns do Sil/XdL

O Consorcio de Turismo Ribeira Sacra acaba de facer públicas as bases para a contratación dun informador turístico en réxime de persoal laboral-temporal dende o día 15 de xuño ata o 15 de setembro, ambos inclusive.

Para poder optar a este posto, os candidatos deben ter a titulación ou ben de técnico superior en información e comercialización turística, de técnico superior en guía, información e asistencia turística, de técnico en empresas e actividades turísticas ou ben posuír a titulación de grao ou diplomado en turismo ou no seu defecto, un equivalente homologado.

A duración da xornada laboral será de 40 horas semanais, repartidas en 6 horas diarias de luns a sábado. 

Os interesados deberán descargar o modelo de solicitude na páxina web de Turismo Ribeira Sacra e presentar , ata o día 6 de xuño, a documentación requerida ou ben na Sede de Presidencia no Concello de Sober ou na Sede Administrativa no Concello de Nogueira de Ramuín en horario de 9:00 a 14:00 horas de luns a venres.

1 COMENTARIO

DEIXAR UN COMENTARIO

Please enter your comment!
Please enter your name here