A igrexa de Santa María de Sabadelle do Concello de Chantada, situada ó pé do Camiño de Inverno, conta con máis 200 anos de historia e presenta un gran deterioro na súa estructura polo paso do tempo. Este templo reedificouse entre os anos 1830 e 1834. A edificación que conta cunha planta de sala, case rectangular, ten a sancristía na cabeceira. Os seus muros son de mampostería, selleira de granito e con bóveda de medio punto. Ademais, ten un retablo do século XX e unha torre con reloxo.
Por iso, dende a Deputación de Lugo, van investir máis de 8.000 euros en reformar os muros que a rodean, instalar un sistema de electrificación nas campás e unha nova agulla dos minutos. Farao ó abeiro do Plan Estratéxico de Turismo, que establece a posta en valor do patrimonio arquitectónico e histórico como valor diferencial para impulsar o turismo na provincia.
Darío Campos, presidente do organismo provincial, visitou o luns 18 de xuño ós veciños, quenes manifestaron que “foi a única administración que escoitou e respondeu a esta demanda veciñal”.