InicioCulturaOutubro de música, cultura e fotografía en Chantada

Outubro de música, cultura e fotografía en Chantada

O concello de Chantada terá un mes de outubro adicado á bibliteca e durante todos os sábados deste mes celebrarase o IV Outono Musical Lourdes Vázquez Ledo con concertos no auditorio municipal de Chantada.

Publicado o

- Advertisement -

Os sábados de outubro teñen como protagonista a música no concello de Chantada. Despois do concerto o pasado día 6 do Cuarteto Skirion, o turno o vindeiro sábado día 13 é para a Banda Ateneo Musical de Negreira. O sábado 20 actuará o Cuarteto Tetramorph e o sábado 27 a Banda de Chantada. Todas as citas son no auditorio municipal a partir das 19.30 e de balde.

E na biblioteca municipal de Chantada celebrarase os xoves 11 e 25 deste mes a Hora do conto. As actividades serán a a partir das 17.00 h. e contarán coa escritora e ilustradora Estefanía Padullés, como convidada que se encargará de desenvolver obradoiros de ilustración cos rapaces participantes que deben de ser maiores de 5 anos.

Xa o día 27 ás 12.00 o mago Paco ofrecerá un espectáculo para os nenos. Estas actividades están organizadas pola Biblioteca Municipal dentro do programa Ler conta moito, subvencionado pola Consellería de Cultura e o Concello de Chantada.

E na casa da cultura pódese ver a exposición Falando en prata VII, mostra de fotografía actual con medios tradicionais, sen ningún tipo de tratamento dixital. A exposición organizada polo Ateneo de Ourense pódese ser visitada en horario de 10.00 a 14.00 e de 16.00 a 20.00, de luns a venres e os sábados de 11.00 a 14.00.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...