Quiroga exponse como destino turístico na Semana Verde de Galicia

Farao en 'Festur' dentro do Salón Turístico de Galicia que se celebra estes días na Feira Internacional Semana Verde de Galicia, en Silleda.

Stand en Festur. Foto: Concello de Quiroga

Quiroga está representada en Festur dentro do Salón Turístico de Galicia que se celebra na Feira Internacional Semana Verde de Galicia. A feira, que estará aberta ata este domingo 5 de xuño, é un importante escaparate polo que cada ano pasan miles de visitantes. Coincidindo coa apertura do recinto feiral o alcalde de Quiroga, Julio Álvarez, acudía ata este recinto.

Quiroga chega a Silleda cos seus produtos máis destacados: viño, aceite, mel e artesanía, e formando parte do stand do “Xeoparque Montañas do Courel. Os sabores das nosas rochas”.  Pero estes produtos non son o único que se promociona, os visitantes levarán información de  todas as rutas, festas de interese turístico, monumentos, museos,… e todo aquilo do que Quiroga pode presumir.

Será a primeira vez que o concello quirogués acuda a esta feira, un escaparate que acolle 34 festas de interese turístico, con recoñecemento de carácter internacional, nacional ou de Galicia.

DEIXAR UN COMENTARIO

Please enter your comment!
Please enter your name here