Os ríos queren diversión e non peixes lixo

A praia fluvial de San Clodio en Ribas de Sil acolle actividades lúdico deportivas e nos Chancís prepárase unha nova edición da pesca do peixe lixo.

Pesca do peixe lixo / SilTrip

Este xoves 16 de agosto entre as 17.00 e as 20.00 h. a praia fluvial de San Clodio acolle unhas xornadas que inclúen tobogáns, balancíns, pulpos, rocódromos  e xogos populares. Para as actividades contarase coa supervisión dun coordinador e varios monitores, que se encargarán do coidado e atención dos participantes para garantir unha actividade divertida e segura.

Actividades fluviais arquivo / Deputación Provincial

A actividade está promovida pola Deputación de Lugo co obxectivo de crear alternativas ao turismo de praia e poñer en valor os recursos naturais e paisaxísticos que supoñen os ríos, as praias fluviais e a súa contorna.

Tamén co obxectivo de poñer en valor os nosos ríos e facer unha chamada de atención sobre a utilización que lles damos, celebrarase o día 21 de agosto a 7 edición da pesca do peixe lixo. Os voluntarios que participen nesta xornada recollerán o lixo que apareza no río na zona dos Chancís en Sober.

DEIXAR UN COMENTARIO

Please enter your comment!
Please enter your name here