Ferida unha menor tras ser golpeada por un coche nun paso de peóns en Sarria

A nena sufriu diversas lesións nunha man e unha perna.

Sinal que advirte dun paso de peóns / XdL

Unha menor resultou ferida ao ser golpeada por un coche na mañá deste venres cando se atopaba nun paso de peóns no termo municipal de Sarria.

Segundo informou o 112 Galicia, sobre as 8,30 horas deste venres unha menor sufriu diversas lesións nunha man e unha perna ao ser golpeada por un turismo nun paso de peóns na rúa Diego Pazos, en Sarria.

A persoa que contactou co 112 Galicia para pedir asistencia sanitaria para a menor foi a mesma que conducía o coche con cuxo retrovisor alcanzou á nena.

Tras o aviso, os xestores do centro de emerxencias pasaron aviso a Urxencias Sanitarias de Galicia-061 e tamén á Garda Civil de Tráfico.

DEIXAR UN COMENTARIO

Please enter your comment!
Please enter your name here