A liorta que obrigou a parar a actuación da Panorama en Sarria foi provocada por veciños coñecidos por outros altercados

Policía Local e Garda Civil tiveron que empregarse a fondo para separar aos grupos.

Orquestra Panorama / orquestasdegalicia.es

Axentes da Policía Local e da Garda Civil disolveron na madrugada do pasado domingo unha pelexa multitudinaria orixinada durante a actuación dunha orquestra na verbena da penúltima noite das festas da localidade luguesa de Sarria.

A disputa orixinouse no tramo final da actuación da Orquestra Panorama, que se viu obrigada a interromper o seu último pase polo estalido da pelexa. Os axentes que participaban no dispositivo de seguridade da celebración tiveron que entrar a separar aos dous grupos encerellados na disputa. Segundo as fontes consultadas por Europa Press, trátase de persoas do pobo coñecidas por protagonizar altercados deste tipo. Con todo, ningún dos implicados na rifa presentou denuncia.

DEIXAR UN COMENTARIO

Please enter your comment!
Please enter your name here