Ultimato á Xunta para que restableza o transporte Lugo-Láncara

O Alcalde de Láncara, Darío Piñeiro López, anuncia que se nunha semana a Xunta non restablece a liña de transporte Lugo-Láncara, se convocará un pleno extraordinario para propor denunciar a situación ante a Fiscalía.

Estrada Láncara Lugo

Segundo Piñeiro López, o delegado da Xunta anunciaba a pasada semana que se restituría a liña de transporte das 14:35 horas que une Lugo e a Pobra de San Xiao. Se embargo o rexedor de Láncara asegura que as condicións seguen sendo perigosas para os viaxeiros, porque ao non haber prazas suficientes, moitos nenos viaxan no corredor e no chan do autobús. Para Darío Piñeiro, nesta situación, o Goberno do PP está participando dunha ilegalidade e poñendo en perigo a vida dos alumnos e do resto de pasaxeiros.

Anteriormente unían Lugo Láncara dúas liñas de transporte, unha ás 14:30 e outra ás 15:30 horas, pero eliminouse a primeira e agora o espazo dun único autobús non é suficiente para atender a demanda e ademais os alumnos teñen que esperar máis tempo desde que saen dos institutos.

Socialistas e veciños teñen solicitado en reiteradas ocasións recuperar esta liña de bus. Entre outra iniciativas, celebrouse un pleno ordinario coa recollida de 400 firmas de veciños, pero non houbo máis resposta por parte da Xunta, a no ser a dada a pasada semana e aínda non cumplida, como apuntao alcalde de Láncara.

DEIXAR UN COMENTARIO

Please enter your comment!
Please enter your name here