Lugo é a provincia de España que máis residentes perdeu desde finais do século XX, case 130.000 persoas; mentres que Ourense, que perdeu 93.500 residentes, ocupa a cuarta posición, por detrás de Teruel e Zamora, cunha clara tendencia a empeorar desde comezos do século XXI. O concello de Sarria é o único do sur de Lugo que gañou poboación dende o 2000.
Son datos dun informe sobre a evolución demográfica en Galicia no último século, difundido este xoves polo Círculo de Empresarios de Galicia. Segundo este informe, durante o século XX dez provincias españolas perderon poboación, con Teruel e Lugo á cabeza; e nestas dúas décadas do XXI, o récord osténtao Ourense en términos cuantitativos, aínda que a porcentaxe de despoboamento é superior en Zamora.
Segundo o censo do INE, os únicos concellos de Lugo que gañaron habitantes nestes últimos vinte anos son Burela, A Fonsagrada, Lugo, Outeiro de Rei, Ribadeo, Sarria e Viveiro.