IniciosociedadeVÍDEO: “O Tren”, videoclip de Louband que xa corre polas redes

VÍDEO: “O Tren”, videoclip de Louband que xa corre polas redes

“Das festas ás plataformas dixitais”, así presenta o grupo sarriao esta primicia. Un traballo no que versionan o mítico tema de Andrés do Barro ‘refrescado’ con outro tema emblemático, “Proud Mary”, canción escrita por John Fogerty.

Publicado o

- Advertisement -

“O Tren” de Louband nace grazas aos arranxos de Iñaki L. Campo, un dos oito membros de Louband, versionando este mítico tema de Andrés do Barro –baseado na temática da emigración– e dándolle unhas pinceladas doutro tema mítico, “Proud Mary”. Esta canción, escrita por John Fogerty e gravada por primeira vez por Creedence Clearwater Revival, foi versionada despois por unha chea de grandes nomes, algúns da talla de Tina Turner ou o mesmo Elvis Presley.

Dende este 4 de abril o tema está dispoñible en todas as plataformas de música en streaming, e dende o día 7 tamén na súa versión con videoclip en Youtube. Este videoclip, realizado polo galaico-arxentino Nahuel Lioi, é un dos puntos a destacar do traballo. Foi realizado aproveitando os contrastes de luz que se dan ao longo de todo un día –metáfora das longas xornadas que realiza o grupo cando saen levar a súa troula e ledicia ás festas– nun lugar con historia, a vella fabrica feculera de Sarria.

Videoclip ‘O Tren’

A música foi gravada polo venezolano Jesús Álvarez e José A. Salvador no estudio deste último, PAN Studio. Un arxentino de sona, Gonzalo Ariel López Brouchoud, técnico de Louband, encargouse da mezcla e masterización.

LOUBAND

Louband, tal como explicamos na entrevista que lle fixemos en outubro de 2021,  é sucesora da mítica Charanga Madialeva, unha formación que naceu no 2006 e que no ano 2017 representou a Galicia no ‘V Festival Nacional de Charangas’ celebrado en Burgos.

As súas actuacións, caracterizadas por moverse cun MEAM –Micro Escenario de Alta Mobilidade– transmiten unha potente enerxía nun espectáculo que se caracteriza por fusionar instrumentos con amplificación como trompetas, saxofóns, teclados, guitarras, baixo e percusións. Todo a pé de rúa e cun repertorio amplo que abrangue estilos tan dispares que poden ir dende os boleros ata a música actual, pasando polo indie, o ska ou a música dos 80-90.

Louband. Foto: Llum Photography

Neste momento compaxinan o lanzamento do single coa preparación da tempada de 2022. Unha tempada na que tiveron xa un entroido moi movido que os levou por  terras de Pontevedra, Ourense, Cabañas Raras, Toral de los Vados, O Carballiño… e cun abril no que destacan dúas citas ben importantes: a Feira do Viño de Amandi de Sober e a Feira do Viño de Quiroga.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...