O escorregadoiro acuático máis grande de Galicia está en Sarria estes días

O Concello de Sarria organiza unha atractiva actividade de lecer para os máis pequenos este martes e mércores na Praza da Vila

Escorregador acuático instalado noutra cidade. Foto: Facebook Concello Sarria

Os días 2 e 3 de agosto, martes e mércores, en horario de 16:30 a 20:30 h. haberá na Praza da Vila de Sarria un escorregador acuático de 100 metros de lonxitude, o máis grande de Galicia.

A actividade está promovida pola Área de Deportes do Concello de Sarria e pensada para que os máis pequenos e pequenas se divirtan ao tempo que se refrescan estes días de tanta calor.

Segundo nos comenta o concelleiro de deportes, Félix Seijas, poden participar de xeito gratuíto todos aqueles interesados/as que o desexen –sexan ou non do Concello de Sarria– e cara as 20:00 h. cada día rematarase cunha espectacular Festa da Escuma.

DEIXAR UN COMENTARIO

Please enter your comment!
Please enter your name here