Este venres día 7 de xuño ás 20:15 terá lugar no Salón de Actos do Centro do Viño de Monforte a conferencia “Guerra da Independencia en Galicia: O Batallón Monforte e a heroica xente de Lemos”. Será impartida por José Fernando Navas Ramírez-Cruzado, coronel de artillería retirado e experto na Guerra de Independencia.
Trátase da terceira actividade do ciclo “1809: Os Franceses en Monforte”, un ciclo que pretende conmemorar o 210 aniversario dos sitios de Monforte polas tropas napoleónicas. Está organizado pola Concellería de Cultura e a Asociación Amigos do Patrimonio de Lemos, que crearon unha comisión para organizar eventos e actividades para divulgar o pasado histórico das Terras de Lemos durante a Guerra de Independencia.
Este enfrontamento militar deixou unha gran pegada en Monforte, xa que nos tres asaltos que as tropas francesas fixeron a esta vila, faleceron máis máis de 400 persoas. Ademais, o Batallón Monforte foi o primeiro de Galicia en organizarse contra os franceses.