Sober abre a inscrición dos campamentos “Coñece o teu Concello”

Esta actividade pretende achegar a cultura tradicional das parroquias soberinas aos máis cativos.

Campamento "Coñece o teu Concello" / Concello de Sober

Xa está aberto o prazo de inscrición para a terceira edición do campamento de verán “Coñece o teu Concello”, celebrado en Sober. Esta actividade desenvolverase os martes, mércores e xoves do mes de xullo, en horario de 10:30 a 13:30.

Nestes campamentos, dirixidos a nenos e nenas entre 4 e 12 anos, os máis pequenos terán a oportunidade de coñecer mellor as parroquias do municipio, as súas peculiaridades e os seus oficios tradicionais. Ofértanse un total de 15 prazas e a inscrición pódese facer para o mes completo ou por semanas.

Trátase dun servizo gratuíto no que terán prioridade as familias empadroadas no Concello de Sober, e as prazas cubriranse por orde de presentación. Tamén se creará, de ser preciso, unha lista de agarda para cubrir posibles prazas vacantes. Para máis información pódese acudir ás oficinas do Concello ou chamar ao teléfono 982 46 04 14.

DEIXAR UN COMENTARIO

Please enter your comment!
Please enter your name here