A Banda de Música de Sober celebra o seu 150 aniversario

A formación prepara un gran concerto de conmemoración para o 13 de xullo.

Banda de Música de Sober / Cedida

A Banda de Música de Sober cumpre este ano o seu 150 aniversario. Por iso, durante os próximos meses organizará unha serie de actos para celebrar esta feliz data. O primeiro consistirá nun concerto da formación, no que estarán acompañados polo grupo local “Os Parentes”. A actuación terá lugar o sábado día 13 de xullo ás dez da noite na Praza do Concello.

No mes de agosto a Banda preparará un gran concerto coa participación de todos os músicos e directores que teñan formado parte da institución. Posteriormente farán un xantar de confraternidade para conmemorar este século e medio de música.

Dende a propia Banda soberina agradecen a colaboración de todas as persoas que fan posible esta celebración e aseguran que este fito axudará a seguir facendo historia nun concello cunha enorme tradición musical. Pola súa parte, o alcalde Luis Fernández Guitián convida a todos os veciños a participar destes actos.

Cartaz do concerto da Banda de Sober / Cedida

DEIXAR UN COMENTARIO

Please enter your comment!
Please enter your name here