Monforte será a capital internacional da “Historia da Educación”

A Casa da Cultura acollerá entre os día 9 e 12 de xullo o XX Congreso Historia da Educación, que reúne a expertos de países como España, Portugal, Italia e Brasil.

Que Responsabilidades Debe Asumir O Preescolar?. ISTOCK - Archivo | Fonte: Europa Press

A Casa da Cultura de Monforte acollerá dende o martes 9 de xullo ata o venres día 12 o XX Coloquio-Congreso Internacional “Historia da Educación”, que este ano terá o título “Identidades. Internacionalismo. Pacifismo y Educación”. Trátase dun evento que reunirá a 150 alumnos e no que terán lugar 113 comunicacións, conferencias plenarias, simposios e obradoiros.

Neste encontro participarán as universidades galegas de Vigo, A coruña e Santiago de Compostela, así como a Universidade de Firenze (Italia), a Nova de Lisboa (Portugal) e a Universidade do Estado de Santa Catarina (Brasil). O tema tratado articúlase a través de diferentes tópicos: lexislacións, currícula e formación do profesorado; manualística e prácticas educativas; movementos de opinión, historias de vida, experiencias de educación social e mass media; e organizacións profesionais.

Dentro das actividades programadas, cómpre destacar a conferencia planearia inaugural de Julia Varela Fernández, Catedrática de socioloxía da Universidade Complutense de Madrid; a conferencia de Alejandro Tiana Ferrer, Secretario de Estado de Educación e Formación Profesional; e a de António Sampaio da Nóvoa, profesor da Universidade de Lisboa e Embaixador de Portugal na UNESCO. Ademais, o martes ás dez da noite haberá un concerto aberto a todo o público a cargo do grupo de jazz Carmen Penim Cuarteto.

DEIXAR UN COMENTARIO

Please enter your comment!
Please enter your name here