InicioCulturaA Pobra do Brollón ofrecerá visitas guiadas aos seus principais enclaves turísticos

A Pobra do Brollón ofrecerá visitas guiadas aos seus principais enclaves turísticos

Entre o 15 de xullo e o 31 de agosto, os interesados poderán coñecer máis a fondo o Castro de San Lourenzo, as Adegas de Vilachá e a Cova das Choias.

Publicado o

- Advertisement -

O Concello da Pobra do Brollón vén de anunciar que ofrecerá diversas visitas guiadas durante este verán a algúns dos principais recursos turísticos do municipio. Estas visitas terán lugar entre o 15 de xullo e o 31 de agosto e os interesados poderán coñecer máis a fondo o Castro de San Lourenzo, as Adegas de Vilachá e a Cova das Choias.

A visita ao Castro de San Lourenzo permitirá coñecer un castro de 2.000 anos de antigüidade. Cunha hora de duración, son totalmente gratuítas e terán lugar os martes e os xoves ás 17:00 e os mércores e os venres ás 11:00. As visitas á Cova das Choias tamén terán unha hora de duración e faranse os sábados e domingos ás 17:00. Nelas poderase contemplar unha importante colonia de morcegos.

A proposta de visita para as Adegas de Vilachá ten dúas modalidades. Dunha banda, pódese realizar unha visita dunha hora de duración cunha cata final e un prezo de tres euros. Esta terá lugar os martes e os xoves ás 11:00 e os mércores e venres ás 17:00. Doutra banda, os sábados e domingos ás 12:00 é posible percorrer esta paraxe nunha visita de dúas horas onde se coñecerán os contos, arqueoloxía e viño do lugar, tamén por un prezo de tres euros.

Para participar nestes roteiros é preciso reunir un grupo de, como mínimo, cinco persoas e inscribirse a través de WhatsApp no teléfono 650 624 828.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...