InicioCulturaEzetaerre e Liviao de Marrao encabezan a programación da Festa da Mocidade...

Ezetaerre e Liviao de Marrao encabezan a programación da Festa da Mocidade de Taboada

O próximo 9 de agosto celebrarase unha nova edición da xa tradicional Festa da Mocidade de Taboada, organizada pola Asociación Cultural O Marrao Enxebre.

Publicado o

- Advertisement -

Este martes día 16 anunciouse o programa definitivo da xa tradicional Festa da Mocidade de Taboada. Este evento terá lugar o día 9 de agosto e está organizado pola Asociación Cultural O Marrao Enxebre, que tamén está detrás da celebración da xuntanza Festóso dentro da Festa do Caldo de Ósos de Taboada.

A festa dará comezo a partir das 18:30 cunha ruta polos bares da Vila. Este percorrido comezará no Bar Urdi e estará amenizado por unha charanga. Ás dez celebrarase unha gran cea popular no Campo da Feira. Para participar desta será preciso mercar unha camiseta cun prezo de 15 euros nos puntos de venda autorizados (Bar Muxicas e Bar Mario en Taboada, Bar Ribeiriña en Chantada e Bar Bruselas en Monterroso).

A xornada rematará cunha serie de concertos. Ás 23:30 da noite prevese que comece a actuación da banda chantadina de rock bravú Liviao de Marrao. Seguiranos os coruñeses Ezetaerre, que co seu rap revolucionario veñen de percorrer as principais cidades da Península. Pecharán a festa os grupos Louband e Grilo.

ÚLTIMAS

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...

O IES Río Cabe no centro da cultura financieira

Durante a xornada contouse coa visita da directora xeral de Ordenación e Innovación educativa,...