Tras percorrer 60 puntos de Galicia, este festival itinerante chega ao Concello da Pobra do Brollón. Esta proposta de distribución, exhibición e creación de cine infantil forma parte do plan O Teu Xacobeo para promover o Xacobeo 2021.
Os alumnos aprenderon a facer unha reportaxe audiovisual baseada en entrevistas, participando nos diferentes roles como o de director ou de xornalista. Ademais do obradoiro audiovisual, os pequenos visionaron unha serie de curtas na caravana-cine itinerante do festival. Entre as películas seleccionadas, están Cazatalentos (gañadora dun Goya a mellor curtametraxe de animación), e outras curtas internacionais como Ian o La Petite Condonnier.
Despois do visionado, os estudantes votaron para valorar cada curta. O resultado da votación publicarase na web do Festivaliño, así como un resumo das reportaxes audiovisuais que se crearon.