InicioCulturaQuiroga busca un outono de lecer participativo

Quiroga busca un outono de lecer participativo

A programación cultural e de lecer do Concello de Quiroga para este outono conta con actividades ofertadas dende as distintas áreas e servizos muncipais: infancia, igualdade, educación, xuventude, deportes, cultura, dinamización lingüística e benestar.

Publicado o

- Advertisement -

Entre as numerosas propostas para o tempo de cultura e lecer, o Concello destaca no eido deportivo, a atención ao deporte base a través das Escolas Deportivas Municipais; o adestramento e competición do equipo Quiroga F.C, eventos deportivos coma o Torneo de Fútbol de Nadal, o III Día da bicicleta ou a Carreira San Silvestre.

En educación contarase coa Ludoteca Infantil os martes e xoves; as clases de música e movemento, piano, guitarra e vento-metal en colaboración coa área de xuventude; a actividade ”Inglés divertido” o sábados pola mañá e o obradoiro infantil de cociña “Minichef”.

Dende a Área de Cultura ofértase un amplo programa de representacións teatrais para todos os públicos,  (en colaboración coa Consellería de Cultura e coa Deputación Provincial mediante os programas  “Ler Conta Moito”,  e “Buxiganga”, “Proescenio”  respectivamente). Tamén está previstos dous  cursos de informática para adultos (nivel básico e nivel avanzado) . Salientar tamén que esta área coordinará o Curso de viticultura e cata organizado por este Concello e cofinanciado pola Xunta de Galicia a través do programa O teu Xacobeo.

A Área de Igualdade, a través do CIM, programou xa dúas actividades de interese como foron o café coloquio polo Día da Muller Rural e a andaina, este pasado sábado 19 de outubro, co gallo do Día do Cancro de mama. A camiñada foi un éxito malia o día de choiva que ameazou a realización da mesma. Ao final houbo unha tregua climatolóxica e fíxose coa participación dunhas 70 persoas, a maioría mulleres. Aproveitando a actividade recadáronse cartos para a Asociación Española Contra o Cancro.  De cara a novembro tamén ten programados actos para a conmemoración do Día Internacional Contra a Violencia de Xénero. Contémplase facer unha exposición de fotografía, unha proxección vídeos no IES e no CEIP de Quiroga e a adhesión á campaña da Xunta de Violencia en negro.

Andaina contra o cancro de mama polo paseo fluvial de Quiroga. Foto: CIM Quiroga
Celebración Día da Muller Rural / CIM de Quiroga 

Desde a Área de Benestar contarase cun taller de memoria, un taller cognitivo e o curso de preparación de probas de Graduado en ESO para adultos e tamén curso de preparación probas de avaliación en Competencias Clave. A Área de Xuventude desenvolverá xornadas informativas de emprendemento, o Certame de Relato Curto, Campionatos nos Pubs e a semana informativa do carné xove no IES de Quiroga.

No Centro Social da Terceira Idade desenvolverase un amplo programa que inclúe obradoiros de actividades físicas (ximnasia e estiramentos); actos de conmemoración do  Día Internacional des Persoas Maiores, Excursión a Buño -Malpica e Laxe, Magosto e unha Cea-baile para celebrar o Nadal.

A través da Rede de Dinamización Ligüística da Secretaría Xeral de Política Lingüística e da Secretaría Xeral de Igualadade da Xunta de Galicia, estase a desenvolver o programa “Nós contra a violencia”, que achegará a Quiroga unha actividade de teatro para todos  os públicos.

Ademais das actividades, ofertadas directamente polos distintos servizos municipais, recóllense tamén actividades nas que o Concello de Quiroga colabora con outros organizadores para facilitar a diversificación da oferta de ocio, formación e lecer. Asegúrase desde o concello que o obxectivo principal desta programación é a participación cidadá en todas as actividades, e para elo apoiánse en 3 pilares:

  • Diversificación de actividades: programamación para todas as idades e para satisfacer distintos intereses.
  • Aproveitamento dos recursos do contorno: infraestruturas culturais e deportivas, recursos naturais e recursos humanos.
  • Coordinación e colaboración entre as distintas áreas municipais para a programación de actividades que son válidas para distintos sectores da poboación.

A información para participar nestas actividades pode solicitarse nos distintos servizos municipais organizadores das actividades.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...