200 persoas celebran o día das bibliotecas no Saviñao

O concello do Saviñao celebrou o día das bibliotecas con actividades nas que entre visitas escolares, obradoiros, contacontos e encontros con autoras, participaron máis de 200 persoas.

Día das bibliotecas no Saviñao / Concello do Saviñao
Contouse con sesión de contos de Soledad Felloza, actriz, contadora de historias, fotógrafa, escritora e dramaturga, e o xogo de pistas da escritora Antía Yáñez, autora de O misterio de Portomarín, título do que tivo que asinar exemplares a petición do alumnado do CPI Dr. López Suárez a quen lles gustou despois de lelo como lectura obrigatoria.
Os alumnos e alumnas da Escola Infantil participaron nunha sesión de contacontos en alemán e en italiano ademais de cantar contos en galego. Houbo sesión práctica sobre o funcionamento do catálogo en liña, no que puideron ver como se incorpora un título novo (alumnos de 6º de Primaria) e como se fan xestións en liña cando se tén algún título en préstamo (alumnos de 1º da ESO).
Pola tarde houbo merenda e cea entre as diversas sesións de obradoiros e contacontos, rematando con karaoke á medianoite. O día 24 leuse o pregón de Gemma Pasqual, traducido ó galego por Héctor Cajaraville e repartíronse os marcapáxinas que elaborou o Colectivo Lemos Le con motivo desta data para o 2019.

DEIXAR UN COMENTARIO

Please enter your comment!
Please enter your name here