IX edición dos Cantos de Taberna o 7 de decembro na Pobra do Brollón

Aberto o prazo de inscrición para os grupos interesados en participar nesta popular cita anual nos bares da Pobra do Brollón.

cantos de taberna

Os grupos participantes nesta cita recibirán un agasallo pola participación, ademais dun convite para a Feira do Viño de Vilachá, que se celebra en maio. A única condición para anotarse é ter un repertorio de música popular ou tradicional en galego, estar constituído por un máximo de 10 persoas, e seguir o itinerario de bares marcado pola organización.

O Concello da Pobra do Brollón foi pioneiro en organizar os Cantos de Taberna hai xa nove anos. Actualmente é un evento festivo de referencia na ponte de decembro para celebrar a cultura popular, cunha gran participación de músicos e público. Na última edición participaron quince grupos vidos de toda Galicia que cantaron e tocaron ata a madrugada.

Os grupos interesados teñen ata o 4 de decembro para anotarse, ben no enderezo biblioteca@concellodapobradobrollon.gal, ben por teléfono no 982430546.

DEIXAR UN COMENTARIO

Please enter your comment!
Please enter your name here