Desfile de carrozas no Incio o día 22

O Concello do Incio organiza para o sábado 22 un desfile de carrozas para celebrar o Entroido.

Concello do Incio / XdL

A saída do desfile será desde a residencia ás 18:00 horas e o percorrido rematará diante da Casa do Concello. Ás 19:00 horas haberá chocolatada e doces de Entroido na Praza do Concello. A celebración estará amenizada por un trío musical. O Concello do Incio terá agasallos para as carrozas participantes, que deben anotarse antes do día 22 chamando ao número 982 42 70 14.

Ás 22:00 horas haberá unha cea-baile no Mercado Gandeiro do Incio organizada polos veciños e veciñas á que animan a asistir disfrazado. O menú está composto por sopa de cocido, cocido, sobremesa e café e terá un prezo de 15 euros para os adultos e será gratuíto para os nenos e nenas ata os 8 anos.

Tamén haberá música en directo con DJ Francis. As entradas poden adquirirse nos bares do Incio e na Ferretería O Garabato.

DEIXAR UN COMENTARIO

Please enter your comment!
Please enter your name here