Cé Orquestra Pantasma pecha os concertos online da Pobra do Brollón

Este sábado, 2 de maio, terá lugar o derradeiro concerto do ciclo ‘Cos Pés na Casa’. Será a partir das 21:00 horas en directo na páxina de Facebook do Concello da Pobra do Brollón.

CÉ ORQUESTRA PANTASMA

Cé Orquestra Pantasma é o nome artístico do músico vigués César Freiria. No concerto do sábado noite interpretará temas da súa discografía, ademais de temas inéditos propios e poemas musicados de poetas galegos, entres os que incluirá un da poeta guímara Olga Novo.

Remata así un ciclo que xurdiu como un xeito de seguir programando cultura en tempos de confinamento debido á pandemia do COVID-19. Outros artistas que actuaron no ciclo son Ale González, Benxamín Otero, Laura LaMontagne e PicoAmperio, e Xoán Curiel.

Nas redes sociais do Concello da Pobra do Brollón publicarase a entrevista previa ao concerto de Cé Orquestra Pantasma.

DEIXAR UN COMENTARIO

Please enter your comment!
Please enter your name here