A curta de Luis Tinoco, gañador do festival de cine monfortino

Tras 3 días de intensa actividade cinéfala na cidade, os galardóns da V edición do FanCine de Lemos, foron entregados ós seus gañadores nun salón de actos da Casa da Cultura de Monforte ateigada de espectadores que, como en edicións anteriores, mostraron unha gran implicación nas actividades celebradas.

Acto de clausura da V edición de FanCine de Lemos/cedida

Caronte. Este é o nome co que o autor portugués Luis Tinoco bautizou a súa obra baseada na morte e que gañou o premio principal de curtametraxes da V edición de FanCine de Lemos. Fernando Cortizo, Olga Osorio e Víctor Rivas, xurado desta edición do festival, consideraron que este era a mellor produción presentada este ano.

O autor, responsable do laboratorio de efectos especiais para cine Onirika Studio, presentouse á edición do festival do 2018 cunha creación que narra unha trama de ciencia ficción sobre a base do barqueiro que na mitoloxía grega guiaba ós mortos hacia o máis alá.

Por outra banda, o xurado decidiu que o premio Algueira á mellor curtametraxe galega era para Escarabana, a primeira obra da renomeada actriz galega Sara Casasnovas.

Pero non todos os galardóns foron adxudicados polo xurado. O público tivo un papel moi activo en todo o festival e deste xeito, e mediante votación popular, acordaron co premio do público fora para a obra Marta no viene a cenar de Macarena Astorga; nela, nárrase unha cea entre amigas onde a tensión vai en aumento a medida que trascorre a velada.

DEIXAR UN COMENTARIO

Please enter your comment!
Please enter your name here