InicioEconomíaCal é o futuro do cuartel da Garda Civil da Pobra do...

Cal é o futuro do cuartel da Garda Civil da Pobra do Brollón?

Un centro multifuncional con albergue, restaurante, zona de acampada interior, sala de exposicións e centro de artesanía.

Publicado o

- Advertisement -

O equipo de goberno da Pobra do Brollón quere converter o cuartel da Garda Civil nun centro multifuncional que ofreza novos servizos a veciños e visitantes. O alcalde, Xosé Lois Maceda, xa solicitara ao anterior Subdelegado do Goberno en Lugo iniciar os trámites correpondentes para conseguir a cesión ao concello destas instalacións e agora trasládalle a petición á nova Subdelegada do Goberno, Isabel Rodríguez.

Segundo o alcalde o concello cada vez recibe máis turistas e precísanse dotacións para darlles servizos, ademais a Pobra do Brollón é paso do Camiño de Inverno, ruta que cada vez conta con máis peregrinos que precisan de albergues e outras instalacións. O cuartel da Garda Civil pode ser a  mellor opción, segundo o concello. Isabel Rodríguez comprometeuse a ver cómo estaban as xestións para a cesión e a axilizar os trámites.

Alcalde da Pobra do Brollón coa Subdelegada do Goberno / Concello da Pobra do Brollón

A visita da Subdelegada do Goberno tamén foi aproveitada polo alcalde da Pobra do Brollón para solicitarlle que se retome a vixiancia nos montes do municipio con patrullas a cabalo da Garda Civil. Para o rexedor local este labor que antes desenvolvía a Garda Civil funcionaba moi ben para disuadir á xente de atentar contra o monte e considera que retomalo podería ser moi beneficioso, sobre todo na prevención de incendios.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...