InicioTerra de LemosBóvedaO Trekking chega á categoría suprema en Galicia co Festival do Sendeirismo...

O Trekking chega á categoría suprema en Galicia co Festival do Sendeirismo Ribeira Sacra

Publicado o

- Advertisement -

O evento, que terá lugar esta fin de semana e non ten precedentes en Galicia, reúne deporte, música e gastronomía.

O Festival de Sendeirismo trátase dunha iniciativa do Consorcio de Turismo Ribeira Sacra que nace co fin de seguir poñendo en valor recursos da zona como o románico, o viño, a paisaxe e os esgrafiados a través da práctica do sendeirismo. Unha actividade alternativa saudable e sostible coa que é posible coñecer a Ribeira Sacra máis descoñecida para a maioría dos visitantes.

Sendeiro da Ribeira Sacra

As rutas tematizadas son o punto forte desta primeira edición, que se celebrará durante as xornadas do 12 e 13 de maio. Case vinte rutas que se desenvolverán de forma simultánea e nas que se percorrerán paraxes espectaculares da man de guías especializados cos que ademais se aprenderán cousas de temas tan diversos e tan relacionados neste territorio como son a viticultura, a historia, etnografía, esgrafiados, aves e incluso fotografía.

A programación contempla numerosos percorridos pensados para todos os públicos, desde os máis pequenos ata os máis aventureiros, con diferentes dificultades e duración. Todos os percorridos programados están enmarcados na Ribeira Sacra e con algo en común, a festa que marcará o punto final deste evento. Unha reunión na que todos os participantes se poderán coñecer e gozar do día mentres degustan produtos locais e escoitan aos mellores artistas da zona. O punto de encontro final será este sábado día 12 no Mosteiro de Santa María de Xunqueira de Espadañedo e no Pavillón Municipal de Bóveda.

Toda a información sobre o Festival de Sendeirismo Ribeira Sacra 2018 pode ser consultada na páxina web oficial do Consorcio de Turismo Ribeira Sacra.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...