O auditorio municipal de Escairón acolle este sábado, 15 de maio ás 20.00 horas, unha cita co teatro. Monicreques de mes pon en escea, A viaxe de Rosalía, unha obra para público infantil e adulto de 45 minutos de duración.
O vindeiro luns, 17 de maio, celébrase o Día das Letras Galegas, este ano adicado á creadora, editora, tradutora e mestra Xela Arias. Con motivo desta celebración o Concello de Quiroga organizou unha recepción aos colectivos culturais do municipio.
A recepción terá lugar a partir da unha do mediodía na casa consistorial, onde tamén se fará entrega dos agasallos aos nenos e nenas premiados no Certame de Narración e Debuxo Letras Galegas organizado pola Biblioteca Municipal para os nenos de 5 a 11 anos de idade. Os autores dos traballos seleccionados foron: Iván Franco Ferrín nas modalidades de Debuxo e Narración dentro da categoría C (de 9 a 11 anos); Breixo Fernández Méndez e Valentina Aguado Sánchez na categoría A ( ata 8 anos), na modalidade de debuxo. Posteriormente o grupo de gaitas O Recanto interpretará varios temas diante da casa do concello.