InicioCulturaAgosto cultural de Quiroga

Agosto cultural de Quiroga

Quiroga comeza o mes de agosto con numerosas actuacións musicais e culturais, continuando co seu Verán Cultural.

Publicado o

POR
Redacción
- Advertisement -

A exposición “Kinetiko de Xira Paus” a cargo de Marionetas Trécola  (patrocinada pola Área de Cultura da Deputación Provincial) o mércores día 4, abre este mes de agosto cultural. Trátase dunha mostra de bonecos e monicreques que a través de diferentes mecanismos pódense mover e producir sons. A exposición ofrece ademais  a particularidade de que  os visitantes poidan xogar manexando os mecanismos das pezas e ver como funcionan. 

A celebración da XXX Mostra do Mel, o  día 10 de agosto e varias actividades relacionadas co mundo da apicultura como unha exposición de Apicultura Tradicional Galega ou unha charla sobre Apiturismo no Courel: Ruta das alvarizas de Seceda, organizadas pola Asociación Galega de Apicultura; centrarán estes primeiros días de agosto. 

Animacións  de rúa:  “Patrimonio Natural” a cargo de Mamá Cabra do programa “Ler conta moito” da Rede de Bibliotecas de Galicia ( o día 6 ) e “O séquito do capitán Nemo”, a cargo de Barafunda do programa Cultura no Camiño (o día 7) serán dúas das actividades centradas nos máis cativos que tamén terán un concurso de pinta con xiz no chan (o día 8).

Non faltará o deporte coa celebración de torneos de 3×3 de voleibol e fútbol sala entre os días 5 e 7.

A maxia a cargo de Mágico Brais “Estrelas Máxicas” do programa Cultura no Camiño, a música tradicional a cargo do grupo de gaitas O Recanto, a actuación da charanga Europa e a actuación do grupo de acordeóns “O Folión” do programa Musiqueando pola provincia de Lugo complementarán un verán cultural que tamén terá tres importantes concertos. O primeiro, o día 7, será o de Andrea Pousa presentando o seu novo disco Retorno. Esta actuación forma parte do Programa Xacobeo 2021/2022 da Xunta de Galicia ao igual que o concerto de Roi Casal o día 8. O último dos concertos será o de Lys Pardo, o día 10 de agosto.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...