InicioCultura'Uxía Lambona e a Banda Molona' e 'Mago Rafa' esta finde no...

‘Uxía Lambona e a Banda Molona’ e ‘Mago Rafa’ esta finde no Incio

Son dúas das propostas de lecer que están programadas polo concello para o que resta de verán dentro do programa ‘Cultura no Camiño’ da Xunta.

Publicado o

- Advertisement -

Este sábado 14 a partir das 19:30 h. a banda ‘Uxía Lambona e a Banda Molona’ actuará na Cruz do Incio, concretamente no local de usos múltiples –antiga nave gandeira–. Este grupo caracterízase, ademais de por facer música cento por cento en galego, por recoller clásicos populares da nosa tradición e darlles un toque particular con versións moi animadas, letras pegañentas e empregando diferentes xéneros musicais como por exemplo o rock, o rap e o reggae.

Na mesma localización, o domingo 15 actuará o Mago Rafa de Lugo. Chega ao Incio co espectáculo ‘A nova maxialidade’ que está programado para as 19:30 h.

VINDEIROS ESPECTÁCULOS

O sábado 21 estará no Local de usos múltiples do Concello do Incio ás 19:30 h. o popular Paco Nogueiras. Este animador musical que causa sensación entre a cativada de toda Galicia trae a estas terras o seu espectáculo “Brinca vai!”. A proposta de animación infantil está baseada no CD-DVD co mesmo nome que contén diferentes temas que ademais de divertir aos máis pequenos contribúen a conciencialos sobre diferentes temas como as tradicións, a convivencia, a diversidade, o ecoloxismo, o galego, etc.

Paco Nogueiras en Monforte (arquivo) / XdL

Rematando agosto, o día 28 ás 19:30 h. estará Pedro Brandariz co espectáculo “Pedro Brandariz: o musical?” Todo está preparado para interpretar un ‘gran musical’ pero empezan a suceder feitos inesperados…

AXENDA PARA SETEMBRO

En setembro a axenda de actividades trasladaranos ao Local Social de Vilademouros. Nesta parroquia do Concello do Incio haberá unha representación teatral o día 5 ás 18:30 h. Trátase da obra “Empanadilla da casa” de Migallas Teatro.

E para rematar o ciclo de actividades culturais e de lecer deste verán 2021, o 25 de setembro, tamén no local de Vilademouros –exterior–, haberá un espectáculo de trapecio. Será ás 18:00 h. e leva por título “Desastronauts. Máis alto aínda”.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...