Quiroga celebra o Día das Bibliotecas “Cantando con Pinocho”

O sábado, 23 de outubro, para celebrar o Día das Bibliotecas; a Casa da Cultura de Quiroga acollerá o espectáculo de animación infantil , con música en directo “Cantando con Pinocho”, a cargo de Rigoletto Teatro.

Letreiro que anuncia a entrada en Quiroga / XdL

A Fada de Cabelos Turquesa do conto de Pinocho será a encargada de contar o conto cantando en directo as cancións compostas para a adaptación da obra teatral de Pinocho, que actualmente xira por Galicia. Cancións que tratan temáticas como a liberdade, a amizade ou a importancia de perseguir un soño.

Unha porta aberta a unha emocionante aventura que amosará un camiño cheo de sensibilidade do que poderán disfrutar os nenos e nenas que se acheguen ata a casa da cultura o sábado a partir das sete da tarde.

Este espectáculo, que forma parte das actividades organizadas polo Concello de Quiroga para este derradeiro trimestre do ano, está  subvencionada  pola Secretaría Xeral de Cultura  a través do programa Ler conta moito da Rede de Bibliotecas de Galicia no que participa o concello .

DEIXAR UN COMENTARIO

Please enter your comment!
Please enter your name here