Citas co teatro da Vicepresidencia da Deputación en Sarria e Láncara

En Láncara a cita será o sábado, 18 de decembro, a partir das 19:00 no espazo multifuncional do campo da feira e en Sarria será o domingo, 19 de decembro, a partir das 19:00 na Casa da Cultura.

Casa da Cultura de Sarria. Foto: Wikipedia

En Láncara, este sábado 18 de decembro, o grupo de Teatro Os Palimoquiños, de Lugo, representa “Borralliña”, unha adaptación de “La Cenicienta” dos irmáns Grimm en clave de humor. Hai moito moito tempo, había un país moi rico gobernado por un Rei e unha Raíña xustos e bondadosos. El chamábase Cintolo e ela Madrepérola. Eran moi felices xunto co seu fillo Azul Celeste. Só unha preocupación atenazaba os seus corazóns, o desexo de ver ao seu fillo casado…

Xa o domingo en Sarria o grupo de teatro Nova Escena de Lugo representa “A tortilla e a peste”. Varias mulleres contan a súa experiencia durante o período do confinamento. A privación de contacto, o illamento, a distancia, fan que cousas cotiás, como unha simple tortilla, adquiran unha dimensión diferente, converténdose no “axis mundi” de personaxes ligados ao mundo a través do finísimo fío da tecnoloxía.

DEIXAR UN COMENTARIO

Please enter your comment!
Please enter your name here