II Concurso de ilustracións de Castelao, convocado polo BNG Quiroga

Co gallo do ‘Día da Ilustración’ e o ‘136 aniversario do nacemento de Castelao’, O BNG de Quiroga convoca un concurso de debuxo no que convida a participar enviando ilustracións, deseños, caricaturas... plasmando a imaxe de Castelao.

Castelao / XMF

A participación, con estilo libre, está aberta ata o 30 de xaneiro. As obras poden realizarse en cor ou en branco e negro tendo que envialas a través do correo electrónico quiroga@bng.gal detallando a seguinte información: o nome do autor ou autora, os anos que ten e unha autorización expresa para consentir que a súa creación se comparta nas redes sociais. Todos os dereitos sobre a obra recaerán exclusivamente na autor ou autora.

Diferenciaranse dúas categorías, unha ata 12 anos e outra para maiores desa idade. O debuxo de cada categoría con máis ‘gústames’ durante os días que se expoñerán no perfil de Facebook do BNG Quiroga obterá como premio un vale por valor de 30€ para canxear en compras nas librarías de Quiroga.

O pasado ano foi a 1ª edición deste concurso e a iniciativa tivo gran acollida, motivo polo cal se decidiu repetir. Recibíronse imaxes de Castelao de gran calidade e o número de participantes sorprendeu gratamente á organización.

Castelao / XMF

DEIXAR UN COMENTARIO

Please enter your comment!
Please enter your name here