InicioCulturaProgramación lúdica e cultural en Quiroga para o primeiro semestre

Programación lúdica e cultural en Quiroga para o primeiro semestre

Actividades lúdicas, deportivas e culturais que nos últimos anos non se puideron realizar por mor da pandemia sanitaria, tentarán novamente nestes meses levalas a cabo dende o concello, sempre que as condicións sanitarias o permitan.

Publicado o

POR
Redacción
- Advertisement -

Dentro da programación de actividades infantís contarase co obradoiro de cociña Mini Chef, haberá Ludoteca Municipal, certames de narración e debuxo das Letras Galegas ou un concurso de debuxo sobre a feira do Viño. Nas actividades específicas para os maiores no Centro Social haberá xornadas de bingo e ximnasia de mantemento. Prográmanse tamén exposicións, teatros, contacontos, clases de música ou os cursos de tecido en tear e os cantos de taberna que se retoman despois de dous anos de pandemia.

Entre as novidades organízase un obradoiro da técnica de Pedra Seca, organizado polo Xacobeo 2021-2022 e a Acción Cultural en colaboración co Concello de Quiroga. A pandemia tamén trouxo outras actividades que agora se manteñen como as andainas polo val de Quiroga que dada a súa aceptación continuarán a desenvolverse nestes meses de primavera. No eido deportivo tamén seguen impartíndose as escolas deportivas de fútbol sala e voleibol e os días 7 e 8 de maio desenvolverase o Quiroga Trail de Challenge.

Destacan as festas de Entroido a finais deste mes de febreiro e o día 8 de marzo, día Internacional da Muller. Por suposto, a celebración os días 16 e 17 da XL Feira do Viño con todos os actos que  conleva: concurso Quiroga de Tapas, carreira popular ou concurso de camisetas; e xa para maio, a Mostra do Aceite.

A maiores hai actividades que non están organizadas dende o concello pero con colaboración no seu desenvolvemento como son os cursos de estimulación congnitiva ou as clases de baile rexional, gaita e pandeireta, adestramento persoal, pilates ou zumba.

Todas as actividades propostas, que xa están recollidas nun folleto a disposición de todos os veciños e veciñas, pódense levar a cabo cumprindo as medidas sanitarias vixentes nestes momentos, non obstante todas elas están suxeitas a cambios ou supresión se as normas sanitarias así o aconsellan.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...