InicioCulturaMirian Casas López, afincada en Bóveda, presenta Ikal 2-Se acabó la tregua

Mirian Casas López, afincada en Bóveda, presenta Ikal 2-Se acabó la tregua

Este venres, 25 de febreiro, ás 8 da tarde, realizarase en Librería Agrasar a presentación de "IKAL 2 - Se acabó la tregua", a continuación do libro escrito pola autora, Mirian Casas, que vive en Bóveda e traballa en Monforte. Trátase dunha novela romántica de temática xuvenil.

Publicado o

POR
Redacción
- Advertisement -

Mirian Casas López vive en Bóveda e é enfermeira de profesión no Hospital de Monforte. Pero entre quenda e quenda saca tempo para escribir. Grazas a sacrificar horas de sono publicou o seu primeiro libro, “IKAL”, no ano 2020 que foi un éxito e tivo moi boas críticas entre os amantes da literatura romántica xuvenil. Fanática da lectura, os animais e do café, tamén saca tempo para escribir fantásticas reseñas dos libros que le.

A historia

Daniela tivo que tragarse o seu orgullo e refuxiarse na casa da súa avoa, onde é recibida polo seu novo avó político, un señor entrado en anos, en carnes e con tendencia ao nudismo. As cousas saíronse de nai en Ikal: Nacho e Enzo parecen incapaces de convivir sen chegar ás mans, Aarón leva anos ocultando aos demais as súas visitas a Kessel para coidar de Abril, a súa primeira noiva e agora psicópata de profesión, e Alicia vive tan intensamente a súa historia de amor con Diego que parece esquecerse dos demais, mesmo do seu mellor amigo de toda a vida, Miki.

Agora Dani debe decidir entre quedar en territorio neutral, onde o seu maior problema é tratar de durmir cos ruídos obscenos da habitación ao carón a altas horas da noite, ou volver a Ikal, onde acabou no medio de varios lumes cruzados.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...