O Pazo de Tor prepárase para “Soterradas”

A Vicepresidencia da Deputacíon de Lugo solicitou a colaboración da Consellería de Cultura da Xunta de Galicia para realizar unha renovación museográfica do Museo de San Paio de Narla e do Pazo de Tor.

Maite Ferrreiro no Pazo de Tor / Vicepresidencia Deputación

As actuacións que se levarían a cabo están incluídas en Soterradas, un proxecto global da Rede Museística Provincial centrado en recuperar e visibilizar a historia das mulleres que traballaron no servizo destes edificios, que foron centros de poder durante séculos, e que se configuraron como espazos culturais dentro da Rede Museística Provincial de Lugo.

Desde a área de Cultura presentouse convocatoria ás axudas destinadas a centros musesíticos de Galicia, co obxectivo de que a administración galega cofinancie unha iniciativa que “aposta por reforzar a mirada de xénero no discurso dos museos, pero tamén pola inclusión e a accesibilidade dos contidos e dos espazos e polo traballo en rede”

Ademais da renovación museográfica, o proxecto inclúe tamén a convocatoria de residencias artísticas que permitan seguir afondando, a través da creación artística, na recuperación da memoria das mulleres rurais, na liña de traballo doutros proxectos da RMPL como “Recolectoras. Memoria e Terra”.

A vicepresidenta da Deputación, Maite Ferreiro, incidiu en que “buscamos a colaboración doutras administracións e o traballo en rede para seguir dinamizando os museos e para o mantemento e conservación duns edificios que son Bens de Interese Cultural”, lembrou.

DEIXAR UN COMENTARIO

Please enter your comment!
Please enter your name here