InicioCulturaVÍDEO: Olga Novo entrevistada pola cativada do CEIP da Pobra do Brollón

VÍDEO: Olga Novo entrevistada pola cativada do CEIP da Pobra do Brollón

O centro escolar recibiu días atrás a visita da poeta. Foi un fermoso encontro no que lembrou a súa etapa de escolante ao tempo que as pequenas e pequenos preguntáronlle sobre ela, a súa obra, etc. Publicamos o vídeo.

Publicado o

POR
Redacción
- Advertisement -

Aproveitando o ‘Día da poesía’ queremos recuperar e divulgar a visita tan especial da poeta guímara Olga Novo ao CEIP da Pobra do Brollón dentro das actividades programadas conxuntamente co concello co gallo do 8M. Tratábase, neste caso, de que o alumnado coñecese a unha muller ‘referente’.

Neste entrañable encontro Olga levou con ela unha foto da súa clase, de cando tiña tan só catro anos e ía ao colexio da Pobra, e tamén un caderno no que levaba poemas que escribira dende os 8 anos. Algúns deles recitoullos á cativada.

Olga Novo no CEIP A Pobra do Brollón. Foto: Concello

Os e as estudantes leron tamén poemas da escritora e fixéronlle preguntas sobre os textos, pero tamén sobre outros temas: as súas materias preferidas, o porque de escribir en galego, porque relatos e poesía, escritor preferido galego favorito, diferenzas nos xogos de antes entre nenas e nenos… Houbo rapaces e rapazas que están comezando a escribir co cal foi moi interesante para eles podendo recibir algúns consellos da poeta.

Para rematar a visita, alumnado e profesorado, xunto con persoal da Biblioteca municipal e de Servizos Sociais, fixéronlle entrega dun ramo de rosas, un calendario e unha cunca do colexio.

Na web do colexio fixeron unha crónica da visita e tamén colgaron un vídeo no que entrevistan a Olga. Podes velo aquí:

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...