Variada programación cultural e deportiva no Saviñao

O concello do Saviñao desenvolve entre outubro e xuño do 2019 unha variada programación de actividades deportivas e culturais. As persoas interesadas deben de inscribirse antes do 28 de setembro.

Clausura actividades de verán no Saviñao / Concello do Saviñao

A programación infantil recolle dentro das actividades deportivas, pádel, iniciación á patinaxe, fútbol, golf, voleibol, natación, ioga infantil, paddle surf e piragüismo. As actividades náuticas levaranse a cabo na Praia da Cova e para natación e golf desprazarase aos participantes a Chantada e Pantón, respectivamente.

Dentro da programación cultural infantil contarán con: gaita e percusión, manualidades, informática, pintura e debuxo, teatro, mecanografía, pequechef, plan madruga, contacontos que terá lugar todos os venres de mes na biblioteca e aula lúdica para que os cativos poidan quedarse no colexio despois do horario escolar e facer as tarefas escolares.

A programación para adultos inclúe dentro das actividades deportivas: pádel, minigym, aerobic, golf, pilates, ximnasia de mantemento, ioga e pádel surf e piragüismo na contorna da Cova. Entre as actividades culturais para adultos ofértase: fotografía, uso do teléfono móbil, gaita e percusión, pintura, manualidades, costura, teatro de adultos, taller de memoria, informática, cociña tradicional e iniciación ao photoshop.

Anuncian desde o concello que as actividades con suficiente demanda impartiranse tamén en Currelos.

DEIXAR UN COMENTARIO

Please enter your comment!
Please enter your name here