O Alcalde de Monforte denuncia que a Xunta retrasa a promoción do Camiño de Inverno ata o ano 2020

Turismo de Galicia recoñece que a delimitación oficial do Camiño de Inverno é competencia do Goberno galego a través do Plan Director do Camiño de Santiago.

Peregrinos no Camiño de Inverno / XdL

O Plan Director do Camiño de Santiago inclúe as actuacións de sinalización e acondicionamento previstas nos diferentes trazados. Segundo o alcalde de Monforte, José Tomé, este plan recolle no 2018 centrar a actividade no Camiño Portugués da Costa, no 2019 farase o propio na Vía da Prata e non aparecen referencias ao Camiño de Inverno ata o 2020.

O Grupo Parlamentario Socialista preguntou polas previsións do Goberno galego para arranxar as deficiencias do Camiño de Santiago ao seu paso por Monforte. Na contestación a Axencia de Turismo de Galicia recoñeceu que a delimitación oficial do percorrido do Camiño de Inverno corresponde á Dirección Xeral de Patrimonio da Xunta, que se rexe polo Plan Director do Camiño de Santiago.

A resposta dada aos socialistas significa, segundo o alcalde de Monforte, que ata dentro de dous anos, o Goberno galego non acometerá actuacións de sinalización nin de acondicionamento deste trazado.

DEIXAR UN COMENTARIO

Please enter your comment!
Please enter your name here