InicioMedio ambiente e PatrimonioNovos descubrimentos arqueolóxicos no Castro de Formigueiros, no concello de Samos

Novos descubrimentos arqueolóxicos no Castro de Formigueiros, no concello de Samos

O castro de Formigueiros está situado na Serra do Édramo, concello de Samos, é un importante asentamento castrexo, caracterizado por unha impoñente muralla pétrea, con torreóns, e un complexo sistema defensivo formado por foxos e parapetos.

Publicado o

- Advertisement -

O castro conta cunha interesante arquitectura doméstica, con casas formadas por unha ou dúas habitacións, con tellados de lousa. Nel apareceron gravados de peixes e cabalos nas lousas do pavimento dunha praciña, e de laberintos en diferentes contextos. Está documentada a ocupación dende o século III a.C a mediados do século I da nosa Era.

Os traballos de escavación que se desenvolven permitiron descubrir ao completo a estrutura de dúas casas e avanzar no coñecemento do xacemento. Unha das casas estaba parcialmente enterrada, mentes que na outra derrubouse un muro de construción tardía (tardorromana ou medieval) que estaba superposto á vivenda castrexa orixinal. Esta actuación permite observar o conxunto, un edificio de planta rectangular con dúas construcións anexas circulares. Resta aproximadamente unha semana de traballo que se centrará na consolidación das dúas vivendas e doutros elementos puntuais.

O proxecto permite mellorar a percepción do xacemento, que agora mostra completamente ao descuberto cinco vivendas datadas en torno ao cambio de Era (entre o século I antes e despois de Cristo), todas cos seus anexos ou ampliacións, tanto en planta circular como rectangular.

Ademais, estase completando a documentación fotogramétrica de todo o proceso, que xunto cos datos recollidos en campañas anteriores servirá para a elaboración dunha aplicación informática que ofrecerá unha visita virtual coa posibilidade de comprender as sucesivas fases de descubrimento do castro, as escavacións e consolidacións acometidas ata chegar ao estado actual. A Consellería investiu preto de 15.000 euros neste traballos de excavación.

 

 

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...