Cando o rico patrimonio dos nosos antergos se vende por Internet a estranxeiros

O pazo de Neira, no Páramo, é un edificio do século XV. Véndes por 2,5 millóns de euros.

Pazo de Neira, no Paramo, en venda por Internet / brujuleando.com

Edificios e pazos históricos dende 225.000 euros até máis de 2 millóns, ou aldeas a prezo de saldo fan de Galicia un dos mercados máis atractivos para investidores foráneos que buscan aquí grandes oportunidades lonxe do habitual e saturado mercado inmobiliario do Mediterráneo, xa sexa de luxo ou para bulsos menos podentes. E todo, a través de Internet, sen tan sequera moverse da casa.Moito deste patrimonio á venda está no sur da provincia de Lugo e tamén na montaña.

No sitio web galicianrustic.com pódese mercar desde simples casas até un castelo, pazos, casas señoriais e aldeas abandonadas ou semiabandonadas. Coa súa sede en Rábade (Lugo), esta empresa foi creada polo británico Mark Adkinson e a galega Rosa M. Costoya. O seu principal argumento de venda é: “Investir en Galicia hoxe é investir nun futuro máis san, calidade de vida, tranquilidade e benestar”.

Pero tamén venden un país idílico, cun “estilo de vida que é asequible a case todo o mundo, onde no hai masas, onde no hai batifondos de tráfico, onde no hai violencia superflua, un baixo nivel de criminalidade e, especialmente, dúas cosas: paz e natureza”. Así, teñen á venda  varias aldeas ou núcleos abandonados. 

Aldea do Cebreiro abandonada / elcuartodelostrastosdeaxel.blogspot.com

ALDEAS ABANDONADAS

Un atópase preto do Cebreiro. Trátase dun terreo amurallado no corazón da Reserva Natural do Courel de 12.380 metros cadrados.

A estrutura principal, din, aseméllase a un pequeno asentamento celta, arrodeado de muros de pedra. Dentro dos muros áchase a casa principal de tres plantas de 531 metros cadrados que se remonta a 1885 e foi construída en pedra. Tamén conta cun forno e unha forxa de 72 metros cadrados, un hórreo, un alpendre de 68 metros cadrados e tres casas de pedra de 280, 148 e 194 metros cadrados, distribuídos en dúas plantas en cada unha, onde vivir e gardar o gando. Na parte traseira da leira hai 9.000 metros cadrados de terra cultivable, castiñeiros, hortos…

A poucos metros atópase unha segunda parcela, de 2.638 metros cadrados de terreo cultivable e un muíño de 33 metros cadrados onde o gran foi moído ata hai pouco. Inclúese ademais un proxecto orixinal (que o comprados pode recibir baixo demanda) para a recuperación da antiga forma de vida rural.

O proxecto conta cun subsidio aprobado pola CEE (LEADER) do 40% para a rehabilitación e o inicio do proxecto (opcional). O seu prezo: 265.000 euros.

O mesmo portal ten á venda outra aldea semiabandonada en Pantón, na Ribeira Sacra. Trátase dun conxunto de tres casas e un muíño que tamén foi casa, ademais de 20,000 metros cadrados de leiras e 48,000 en montes próximos. As leiras chegan ata o rio e inclúen o muíño, que aínda está en bo estado con toda a súa maquinaria. As casas tiveron electricidade e teñen auga. O seu prezo: 130.000 euros.

Pazo de Neira, no Páramo, en venda nun portal de Internet destinado a estranxeiros, principalmente ingleses / brujuleando

PAZO DE NEIRA, NO PÁRAMO

Entre os pazos á venda tamén destaca, polo seu valor económico, un convertido en hotel rural e edificado orixinalmente no século XV, sendo restaurado en varias ocasións ao longo da súa historia. Trátase do Pazo de Neira, no concello do Páramo (Lugo), rodeado de ríos e bosques. O pazo consta dun edificio principal, con dúas plantas de 700 metros cadrados cada unha, máis unha serie de edificios adicionais que orixinalmente eran cortellos e hoxe poden utilizarse para calquera uso, incluído o residencial.

Conta ademais cun xardín amurallado de 1.600 metros cadrados e case dúas hectáreas de terreo onde existe un viñedo, con 400 cepas de uva Mencía e outras 100 parras de albariño.

Actualmente atópase totalmente preparado para o seu uso habitual, como hotel rural con todas as licenzas e permisos en orde. A oferta de aloxamento consiste actualmente en seis apartamentos completos e totalmente individuais, con capacidade para 2/4 persoas. Independentemente, tamén hai unha casa para residencia dos propietarios. Máis nesta reportaxe do Galicia Confidencial.

DEIXAR UN COMENTARIO

Please enter your comment!
Please enter your name here