Familias, escolas e algúns concellos fan un traballo moi interesante e necesario á hora de divulgar a figura do Apalpador. No sur de Lugo, por exemplo, concellos como Monforte de Lemos e Folgoso do Courel organizan dende hai anos a visita do xigante do Courel para que os nenos e nenas poidan coñecelo.
A Escola de Ensino Galego Semente de Compostela presenta, coa colaboración do Concello de Compostela, un proxecto de animación e socialización infantil do Apalpador para fomentar a participación da cidadanía na súa visibilización. Máis información en Galicia Confidencial.