InicioCulturaAlumnado de Sober e Monforte homenaxea a Rosalía de Castro con visita...

Alumnado de Sober e Monforte homenaxea a Rosalía de Castro con visita a lavadoiros tradicionais

A cita pretende tamén achegar ao alumnado, as tradicións e o patrimonio cultural galego.

Publicado o

- Advertisement -

O alumnado de 4 e 5 anos de Primaria do CEIP A Gándara de Monforte e do CEIP Plurilingüe Virxe do Carme de Sober visitan este venres dous lavadoiros de Sober, Eireos e Arroxo, onde os nenos coñecerán o proceso de lavado da roupa e o seu posterior secado.

A iniciativa ten como obxectivo homenaxear a Rosalía de Castro, na data do seu nacemento, o 24 de febreiro, utilizando como base da actividade o poema de Cantares Gallegos:

Vente rapasa,

Vente miniña,

Venta a lavar

No pilón da Fontiña.

O profesorado da Gándara, promotor da iniciativa, explica que cando descubriron o poema moitos dos nenos e nenas descoñecían o que era un lavadoiro tradicional, polo que consideraron interesante amosárllelo e tamén ensinarlles o seu funcionamento. En Monforte apenas quedan este tipo de lavadoiros, porque se lavaba directamente no río e por iso se trasladou a saída escolar a Sober, onde hai numerosos exemplares.

Trala visita aos lavadoiros daranse cita na Praza do Concello de Sober onde tenderán a roupa e celebrarán xantar de confraternidade dos dous centros.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...