InicioCulturaA Pobra do Brollón aposta polo cine e o rural galego

A Pobra do Brollón aposta polo cine e o rural galego

No ánimo de seguir divulgando a cultura galega a través do cine, o Concello da Pobra do Brollón, pon en marcha unha nova iniciativa multidisciplinar á que incorpora, tamén, actividades para a reflexión sobre o rural galego.

Publicado o

- Advertisement -

Despois de celebrar en novembro, o I Ciclo de Cinema Galego e de vir de colaborar na promoción da 4º Escolma de Cinema Galego de Sarria, coa proxección, o pasado día 16 de “Os Fenómenos”, o Concello da Pobra do Brollón volve a apostar pola creación audiovisual galega co I Ciclo de Cine e Máis.  Nesta primeira experiencia quérese facer unha reflexión sobre a realidade e o futuro do rural galego, polo que leva por nome:Ciclo de Cine e Máis, rural galego.

Levaranse a cabo 4 proxeccións na casa da cultura “Olga Novo”, co mesmo esquema, presentación do filme ás 20.00, e ás 20.15, proxección da película, para rematar cun debate posterior.

Abrirase o Ciclo o xoves, 7 de marzo, con “Arrianos”de Eloy Enciso; o 14 de marzo proxectarase  “En todas as mans” de Diana Toucedo; o 21 de marzo “Verengo”de Víctor Hugo Seoane e o 28 de marzo “Os días afogados”de César Souto con producción de Iván Patiño.

Xa en abril, o Ciclo completarase con dúas actividades orientadas a reflexionar e profundizar na situación do rural galego. A cita do xoves, 4 de abril, será para coñecer de primeira  man unha experiencia, a de Queixos Airas Moniz. Os promotores desta iniciativa empresarial afondarán no seu proxecto de queixaría moderna, cuxos produtos están a recibir numerosos recoñecementos. O xoves, 11 de abril, e como remate do ciclo, o xeógrafo, Xosé Constenla, ofrecerá a charla “O Colapso territorial en Galiza”, Constenla é autor dun libro co mesmo título. A idea principal da charla e seguila dun amplo e produtivo debate no que afondar nalgúns dos problemas do noso rural, como o despoboamento.

A actividade está aberta a todos os interesados con entrada de balde. Desde o Concello convídase á cidadanía a participar para seguir apostando pola cultura feita en Galicia e reflexionar sobre a realidade do noso rural.

Cartel / Concello da Pobra do Brollón

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...