InicioCulturaCinema e teatro na Pobra do Brollón e en Monforte

Cinema e teatro na Pobra do Brollón e en Monforte

Este xoves 14 de marzo ofrécenos unha interesante oferta cultural no Concello da Pobra do Brollón e no Concello de Monforte de Lemos.

Publicado o

- Advertisement -

Na Casa da Cultura Olga Novo da Pobra do Brollón proxectarase este xoves o documental de Diana Toucedo, “En todas as mans”. Será ás 20:15 h. tras unha breve presentación que comezará ás 20:00 h.

O traballo audiovisual, de corte documental, parte dunha coprodución Hispano-Portuguesa e versa sobre os montes veciñais en man común, un patrimonio galego que durante centos de anos foi configurando as relación humanas, entre veciños pero tamén entre os veciños e a natureza.

En todas as mans, un traballo cinematográfico do ano 2015, achégase a varias comunidades buscando historias personais que movilizan e crean proxectos ao marxe da norma, cunha repercusión social, política, económica, medioambiental e cultural sen comparación en Galicia.

Esta actividade está enmarcada dentro do I Ciclo de Cine e máis que organiza o concello.

Cartel do documental “En todas as mans”.

Por outra banda, o Concello de Monforte de Lemos convida ao teatro nunha das citas habituais de moitos xoves no Edificio Multiusos, e dentro da Rede Galega de Teatros que subvenciona o Agadic.

A proposta para este xoves ás 20:15 h. é a obra de teatro “30 e tantos ósos” a cargo da compañía Aporía Escénica.  Trátase dunha viaxe de catro mulleres de 30 e tantos anos que, cansas de vivir agochadas baixo carcasas prefabricadas, adoptando condutas alleas, deciden transcender a pel e a carne a través da figura mítica da Loba. E todo para chegar aos seus ósos, á materia máis elemental onde se inscribe a súa historia persoal e colectiva e se atopa, desterrado, o seu potencial máis vital e salvaxe.

Dada a temática desta peza teatral, enmarcouse dentro das actividades que o Centro de Información á Muller (CIM) organiza este mes arredor do 8M. O prezo da entrada xeral é de 5 euros, os desempregados, estudantes e xubilados pagarán 3.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...