Trátase de axudas que poden ir dos 300 aos 3.000 euros e que se conceden a asociacións localizadas na provincia de Lugo de cara a programacións culturais que realicen ao longo do ano 2019 e nas que teñan especial protagonismo a música, o baile, as tradicións, o fomento da lingua e a potenciación do patrimonio material e inmaterial do pais.
En relación aos criterios que se fixan nas bases destas subvencións, puntuaranse favorablemente os proxectos que fomenten a igualdade de xénero, actividades dirixidas á terceira idade, á persoas con capacidades diferentes, e que fomenten valores interxerenacionais, entre outros. Ademais, terase en conta a dispersión territorial e poboacional para primar aquelas programacións que se leven a cabo en pequenas localidades, especialmente no rural. O orzamento total para repartir entre as asociacións que soliciten as axudas será o mesmo que o pasado ano, 280.000 euros.
En canto aos prazos, a execución da actividade será durante o ano en curso, antes, pois, do 31 de decembro. Unha vez realizada, o prazo para presentar a conta xustificativa da subvención remata o 31 de marzo de 2020.
O prazo para formalizar as solicitudes comeza hoxe e rematará o vindeiro 29 de abril. Para acceder ao BOP no que sae publicada a convocatoria das axudas, as bases e os modelos de solicitude podedes entrar no apartado correspondente da web da Deputación.
balance 2018
Na pasada edición o Goberno da Deputación achegou 309 axudas a entidades culturais para financiar outras tantas actividades de carácter cultural en 57 municipios lucenses, cun valor total de 280.000 euros a cargo da Deputación.