Da Idade do Ferro á Tardoantigüidade, evolución das mentalidades

O sarrián, Aitor Freán Campo, presenta o ensaio “Da Idade do Ferro á Tardoantigüidade”, no que afonda na evolución da relixiosidade e as mentalidades do noroeste peninsular neste período.

Aitor Freán

O acto de presentación será este venres, 12 de abril, ás 20.00 horas na Casa dá Cultura de Sarria. O ensaio é froito de 8 anos de investigación de Aitor Freán, doutor en Historia pola Universidadede Santiago de Compostela.

O autor analiza, no traballo que se presenta o venres, as mentalidades e a relixiosidade dos habitantes do noroeste peninsular durante a Idade do Ferro e como evolucionaron despois da romanización e a súa posterior cristianización.

O autor articula a investigación en base a sete cuestións fundamentais: a ocupación do espazo e as súas consecuencias simbólicas, a morte e o ámbito funerario, a ritualidade, os espazos sacros, o sacerdocio, as divinidades e a incidencia de cultos orientais sobre todas estas realidades.

Desta forma analízanse as principais transicións e alteracións culturais que afectaron á relixiosidade e mentalidades da rexión e que son fundamentais para entender, non só aos seus contemporáneos, senón tamén á forma de ver e de entender o mundo dos que hoxe habitan ese territorio. Para a presentación contarase coa presenza da concelleira de cultura de Sarria, Mónica López.

DEIXAR UN COMENTARIO

Please enter your comment!
Please enter your name here