Os montes de Pombeiro serán o escenario dunha ruta en bicicleta

O próximo 11 de agosto terá lugar neste enclave unha ruta BTT organizada pola Asociación Veciñal Virxe das Neves.

Competición BTT. Foto: Clun Ciclista Chantadino

A parroquia de Pombeiro vivirá o próximo día 11 de agosto unha intensa xornada deportiva, xa que terá lugar unha ruta en BTT (ou bicicleta de montaña) polos montes deste lugar. Está organizada pola “Asociación Veciñal da Virxe das Neves” e trátase da primeira actividade desta clase celebrada en Pombeiro.

Existen dous formatos de percorrido, un longo (duns 45 quilómetros) e outro máis curto (duns 25 quilómetros). Para ambos o prezo de inscrición é de 15 euros, que inclúe un agasallo. Os interesados poderán anotarse ata o vindeiro 7 de agosto a través deste enlace. Polo momento, xa se conta con case 15 persoas na inscrición.

O punto de comezo da ruta será o Campo do Rigueiro. Alí tamén se recollerán os dorsais entre as 8:00 e as 9:15 da mañá.

DEIXAR UN COMENTARIO

Please enter your comment!
Please enter your name here