O Club de Atletismo da Gándara, organizador da proba, conta xa con arredor de 200 participantes inscritos procedentes de toda Galicia, así como doutros puntos como Euskadi e incluso Londres.
A proba contará con 8 categorías: Pitufos, que percorrerán 150 metros; Promoción e Sub-12, que farán a distancia de 600 metros; Sub-14, 16 e 18, que competirán na distancia de 1200 metros; e adultos, que o farán na distancia propia da milla, os 1.600 metros, neste caso, nun circuíto de 3 voltas ubicado na mencionada rúa Reboredo. Haberá premios para todas as categorías, tanto para o primeiro, coma segundo e terceiro clasificados, tanto para homes como para mulleres.
A tenente de alcalde de Monforte, Gloria Prada, agradece “ó Club de Atletismo a Gándara a organización deste evento que ben a completar a oferta de atletismo popular que temos neste Concello que, ademais da importancia deportiva que ten, serve para que cheguen a Monforte visitantes doutros Concellos que aproveitan a visita para pasar o día e desfrutar de todo o que lles podemos ofrecer no noso Concello